ఇకపై హస్తప్రయోగం చేస్తే రూ. 6,600 జరిమానా? మగాళ్ళు జాగ్రత్త..

అమెరికాలోని టెక్సాస్ రాష్ట్రంలో ఓ కొత్త బిల్లును ప్రవేశపెట్టేందుకు చర్యలు మొదలయ్యాయి. రాష్ట్ర శాసనసభ సభ్యుడు జెస్సికా ఫర్రార్ ఓ వినూత్నమైన బిల్లుని తెరపైకి తెచ్చి మగవారిని శిక్షించాలని డిమాండ్ చేస్తున్నారు. మహిళతో లైంగికచర్యలో పాల్గొనకుండా స్కలించడం, హస్తప్రయోగం వంటి చర్యలకు పాల్పడిన మగవారికి 6,600 రూపాయలు(100 డాలర్లు) జరిమానా విధించాలనే ఓ బిల్లును ఆయన శాసనసభలో ప్రవేశపెట్టారు. ‘పౌరులు తెలుసుకునే చట్టం’ అనే పేరుతో ఈ బిల్లుని ఆయన శుక్రవారం ప్రవేశపెట్టారు.

హస్తప్రయోగం, స్కలించడం వల్ల ఓ జీవి జన్మించకుండా, ఓ పవిత్రమైన ప్రాణాన్ని ఇవ్వకుండా మగవారు కారణమవుతున్నారని ఆయన పేర్కొన్నారు. శుక్రకణాల విలువ, వయోగ్ర మందుల వాడకానికి...సంబంధించిన అంశాలను ఈ బిల్లులో పొందుపరిచానని ట్విట్టర్ వేదికగా ఆయన తెలిపారు. పౌరులు తెలుసుకోవాల్సిన వివరాల గురించి ఓ పుస్తకాన్ని ప్రభుత్వం ముద్రించాలని, ప్రతీ పౌరుడు ఈ పుస్తకాన్ని చదివేలా చేయాలని కోరారు. అంతేకాకుండా మగవారికి వైద్య పరిక్షలు నిర్వహించి హస్తప్రయోగం చేసిన మగవారికి 100 అమెరికా డాలర్ల జరిమానా విధించాలని బిల్లులో కోరానని, అబార్షన్ కేంద్రాల సంఖ్యను తగ్గించాలని సూచించానని ఆయన తెలిపారు.

వినూత్నమైన ఈ బిల్లు చట్టసభల ముందుకు రావడంతో చర్చనీయాంశంగా మారింది. సభ్యుల చర్చ అనంతరం ఈ బిల్లుపై త్వరలోనే ఓ స్పష్టత రానుంది. బిల్లు అమలులోకి రావడం, రావకపోవడం తర్వాత విషయాలైతే.. జెస్సికా ఫర్రార్ ఆలోచనా విధానం చర్చలు కొనసాగుతున్నాయి. ఆయన ఆలోచన బాగానే ఉన్నప్పటీ ఇది సాధ్యమయ్యే పనేనా? అని పలువురు విశ్లేషకులు సందేహం వ్యక్తం చేస్తున్నారు.